Georg's profilee-schorschPhotosBlogListsMore  |  Tools Help |
|
|||||
|
e-schorschPlattner Georg January 02 Sylvester af dor Widmannschupf... es folgt Schorschs comment zan Sylvesterabend ...
~~~~~~~~~~~~~~~~~~~~~~~~~~~~~~~~~~
Eigentlich honis jo net emol so mitn Sylvesterfeiern, i muan es isch eigentlich lai e scheiss normaler
Tog, jo guat es isch e Johr zu Ende mit seinen Höhen und Tiefen, man hot schiane Sochn und a
wianiger schiane Sochn erleb, und ewia zrugdenkn und afs nuie vorausdenkn soll man jo a.
Mir schreiben in 26ten Dezember afn8 . . . Desi hot mi vorher gfrog, wos i und meine Kollegn za
Sylvester tian, und ob mor in foll vl. epes zusommen tatn. I hon ihr gsog, jo i red mit meine kollegn
und sogs ihr nor. Einige Stunden danach, dor Stoaner riaft un.... ob i und di kollegn net luscht hettn,
mit af dor schupf auizagian . . . i hon ihm gontwortet... jo i red mit ihmene, sogs ihm bol i in martin
a widor sig, weil dorsel beim Nuijohrwünschen mit dor Musig unterwegs wor. Derweil di ondern
Kollegn, dor Devid geat mit seine Stodtkollegn in Sarntol af a Schupf aui, Christian und Daniel wissen
no nigs, di sem hobm derweil ebenfolls e Einlodung za a Garagenfete va dor Evelyn gekreg, es folgte
Unentschlossenheit. In Martin hots mitn Kronksein nochn Nuijohrwünschen getroffen, obr es folgte
bold seine Genesung und so ging es am Sonntag, den 30ten mit dor Franzi nach Sarnthein zum Skifahren,
dort wurde beschlossen mit af dor Schupf auizagian. Nächster Tag, Sylvestertog Stoaner riaft un, wenn
mir kemen, i hon gsog i woases no net, i riaf in Martin un, er isch unentschlossen, woas net ob mor auigian,
er hot nimmer so luscht und sog i soll nochschaugn ob sunscht irgendwo a fete isch. Derweil riaft di Franzi
a no un, wenn mir af dor Schupf auikemen, i hon gsog i woases net, weil eben dor Martin unentschlossen wor.
Derweil schaug i noch ob sunscht no wos gscheids isch, obr mit wianig Erfolg, i schreib zrug in Martin, dass nigs gscheids isch schunscht, und GOTT SEI GEDANKT, schlussendlich beschlossen Treffpunkt 21:00 Birnbamer :-)) Mir hobms ausdormocht :-) Najo nor seinmor sem einigstartet, auigfohrn so weit man geterft hot und donn isch ins eh schun dor Stoaner mitn Panda van "Roabis Christl Voter" oholn kemen. Oben angekommen erwartete uns schun leicht angeheiterte ober gemiatliche stimmungsvolle Leit, za essn und za trinken hots ins net gfahlt, di musig wor supper, i mechet mi recht fescht beim Christl und beim Stoaner bedonken, dass si des so supper zomdorstellt hobm. Zu dor Fete selber loss i di Fotos ewia für sich sprechen, und infol vl. a di videos wennise auidorlod. Gschlofn hobmer najo 2 e holb stund knopp, weil i und dor martl hobm gegen viertl noch 8e widor startn gmiast, weil dor martin um 10e mit dor musi spieln hot gmiast. . I mecht mi noumol bedonken mir werdn ins schun revanchiern. Danke liebe Afinger Freunde! December 02 Za di leschtn 5 BälleAlso zan Maturaball "Ballance" va dor Verena _ wor am 29.09.2007 @Auer:
es wor recht e schianer Ball und i und dor Daniel hobm gern gholfn, du hosch
ins bei insern Ball a fescht gholfn, worsch di bravste - van sem her seinmors
dor schuldig gwesn. i muas sogn di leit va enkrer klass sein olle gonz takte und
nette leit. Di Mitternochtseinloge va di Traminer Schuaplattler hot mor bsunders
guat gegfolln, uanfoch supper! Organisation hetts holt ewia mehr gebraucht beim
kellnern, obr najo. Ajo Verena hosch echt supper ausgschaug im Ballkleidl
 Zan Ball "Achtung Ballstelle" va dor Desiree _ wor am 20.10.2007 @Eppan:
Dor Ball wor volle schian, bärige Idee van Nomen und va dor Deko her, wia di
Kellner ungleg worn (Obi helm, Warnweste"). Marvin B wor uanfoch mega.
Livestyle hot supper Fotos gm8 (Komplimente @ Daniel!).
Und Desi wor uanfoch a hübsch im Ballkleidl
Zan Ball "Balli Ballim" va "Di Oltn" und dor Sarah _ wor am 27.10.2007 @ Terlan:
I und dor Daniel wieder im Doppelpack beim Kellnern, mir hobms eigentlich net
streng kob, in Tisch van Ehrenschutz und va di Tänzer und di Balkone, Tänzer hobm
net gessn und Ehrernschutz hot sich bei ondere zuingsetzt, obr di sem worn a bol
bediant, dornoch um 12e bin i oi in discopudl helfn, mir worn 8 leit und hobm stress
kob, do worn uanfoch mega viel leit. Najo i hon a e bisl zaviel getrunkn, wos i eigentlich
net gsollt hett, weil i mitn Daniel ausgm8 hon Weissenstoan za gian in Sunntig (nächsten Tog).
Najo i wor zulescht schun ziehmlich voll. Nächsten Tog um 8e nuie Zeit (+1 stund zan schlofn kob)
seinmor nor gfohrn, i no leicht voll und nor seinmor mit Daniels Family Weissenstoan gongen.
Ajo Nebenbei, des mit Weissenstoan wor schun e longes Versprechen va mir und Daniel, sobold mor
di Schual guat ogschlossn hobm, dass mor sem Weissenstoan auigian, najo und nor wors holt genau
in den "letzn Tog" fällig, weil grot seine Family a auigongen isch und eluan hettmors decht olm lai
ausigschobm und warn im entdefekt vl. netemol gongen. Najo i hons trotzdem net schlecht auigepockt,
net letzer wia dor Daniel der beim Ball nigs getrunken kob hot, najo obr di Oma wor decht vor ins olle
voraus, mit ihre 80 johr, zach. Najo um afn Ball zrugzakemen, er wor recht schian, Mitternochtseinloge
wor schian, Deko und Musi hobm a mehr oder wianiger gepasst, und di Mädels hobm olle guat
ausgschaug
Zan Ball "Rien ne va plus" va dor Anny wor am 10.11.2007 @ Terlan:
I und dor Daniel hobm worn im Doppelpack, hobm gekellnert, dermol obr lai Essen va dor Kuchl auergetrog,
-Erinnerung: Terlan Küche befindet sich im Untergeschoss- Irgendwia wor sel feiner, wianiger Stress. Si
worn e bisl unorganisiert, noch 8e no net emol brot af di tische, obr na hel wor no genua zeit. Di Tina hot a brav
gholfn ba ihren brothers ball. Worn wianig leit, sicher a deswegen weil volle e scheiss wetter wor, hot volle gschifft
und Martinimorkt wor a no. Mir sein boldemol weckgwesn gegen 12e. Abgsegn va di volle wianigen leit wor dor ball
eigentlich o.k.
Zan Ball "Red Ball - verleiht Flügel" _ wor am 01.12.2007 @ Auer:
Mir sein mitn Bus fa Jenesien, oigfohrn, Devid, Daniel, die Feuerwehrkollegn und no e por mehr. Untn hobmer
nor es ein oder ondere Glasl getrunken, donn hobmer di Desiree und ihre Freindin getroffen, nor hobmer mit
ihnen wos getrunkn und sein nor mit ihmene tonzn gwesn, Desi ins 2 Bürohucker ondersch af Trapp gholtn hot.
Nor hobmer ins bei ihre Eltern vorgstellt, donn wornmor emol kurz eluan unterwegs mit dor Desi, Freindin va ihr,
die Anita, terf net zaviel gian / stian geterft, weilse mitn Kreizbandl Probleme hot. Nor seinmor widor inni tonzn,
und zarecht za dor Mitternochtseinloge seinmor in Sool zrugeini, nor hot dor Norbert Rier - eine seiner beschtn
Liader zum Beschtn geben und mir nor holt a mitgezogen, er hot e gonze schar voller junger vor dor bühne vor sich
kob (en obwechslung za seine omis wos er sunscht olm vor sich holt
 ), obr na i muas sogn e por liader gfolln mor va di spotzn wirklich guat. Najo dornoch seinmor noumol Weinpudel eini, hobm sem Desi und Anita in Stanzi, Egon
und co. vorgstellt, no e bisl wos getrunkn, ajo dor Desi und dor Anita hobmer a Rose gekaft (seinmor net brav, i und dor
daniel?
 ) Najo nor hobmer ins lai boldemol verobschiedn gmiast und zan bus gian. Zan Ball muasman sogn, er wor recht schian, Deko und so hobmse sich viel mühe geben, di Sarner hobm guat gspielt, dor Dj im Diskokeller wor a supper,
Mitternochtseinloge wor a mega. Des hot di Klasse guat gm8. Supper Ball gwesn und guate Mädels worn untn
SCHLUSSKOMMENT: I GLAB IAZ REICHTS EMOL MIT DI BÄLLE, OBWOHLS GONZ TOLL WOR MEISTENS, HOBMER IAZ EMOL GENUA! June 11 Maturaessenalso do isch dor comment zan maturaessen:
Also, am leschten Freitig, den 8.Juni 2007 hot es Maturaessen der Klasse 5E GOB Bozen
im "Magdalenerhof" in Bozen-Rentsch stottgfunden. Mir Schialer sein olle unwesend gwesn.
Beim Essen sein mir Schialer - 19 Leit und vier Professoren gwesn. Später isch no inser geliebter
Rechtskundeprofessor kemen und dor Prof. H., mit recht guater Laune. Inserer Deitschprofessorin
Frau V. wos huier in Pension geat, hobmer e schians "sarnerisches" Gedichtl zomgedichtet und
e Bluam überreicht, um die onderen 2 weiblichen Prof. net zu beleidigen, hobm sie a no e Bluam
gekreg, najo und uane Bluam isch übrig gebliebm, di Matheprof. isch net kemen, najo obr inser
Wörndle hot di Bluam fürn Herrn Prof. B. gebraucht, e bisl "Eindruck" zu mochn, "für ihre Frau, weil
die Prof. L. net kemen isch". Jojo di Prof. V. wor recht erfreut übern Gedicht. Dornoch afn Parkplotz
hobmer no mitn Prof. H. in Eigenerzeugung des Hauses "Unterpertinger" verkostet, :-) storke Soche. Dor Prof. D. hots recht eilig kob, isch obr decht dornoch no "Latino" erschienen. Bol di restlichen Professoren gongen sein, hot inser Wörndle di Frau Prof. H. und Frau Prof. V. überredet no en Sprung "Latino" mit za kemen und dor Wörndle und dor Motta hobm geterft mitn "Punto" va dor Prof. mitfohrn. In Latino wors nocher a no gonz o.K., di "Marilleler" sein di Runde gongen und die Frau Prof. H. hot a ordentlich ihren Spaß kob :-)))) Mitn Motta e "Kubale" getrunken. Dorgalling honi en "Sex on the beach" a no in dor Hond kop, keine Ahnung wia :-) . "Latino" seinmor nocher dei "Lesoweiber" va dor 3ten Klasse - "Koflerbekonntschoften" kennenglernt und donn hobmer se schun glei mit "Baila" nehmen gekennt. "Baila" draussn unkemen, widor mol zun Budl zui und weitergongen isches, widor mol "Sex on the beach". 3 insgesomt glabi sem kob und dorgalling nimmer ausgekennt, mit Typen unkeb za reden dei i netemol gekennt hon, af uanmol e "tschigg" gschenkt gekreg, nor bini noch en zug draukemen dass i net rach und honse in Knut geben. Dor "Tina" honi durchaus afn "Orsch" gegriffen, sorry tuat mor load (obr hosch mor jo verzeiht). Nor bini mit Lochi, Dennis und Burro di längste Weile af dor Tonzfläche gwesn, während dor Pichi mit di "gebudenen Weiber" (net singles) umergetantelt hot. Die Sanny und dor Käfer seinmor ewia komisch fiarkemen; obwohl Barcelona entn die Versöhnung zwischen Motta, Wörndle, Sanny und Käfer stottgfundn hot. Keine Ahnung vl. hobmse ins net recht Acht gebm, weil mor jo di "Koflerweiber" mitkob hobm. :-))) Najo noch viere dorgalling seinmor "New Bar" Haslach oigfohrn. Dor Trieni isch ins verloren gongen. Sem in dor Bar untn hobmer gemiatlich friagstickt, bzw. olls unterenonder oi getrunken, Macchiato - Briòches - Bier, obr sel.... dor Dennis und dor Burro hobm beim Automaten gezockt. Um Holbe 7e sein mor mit dor 10er SASA Bohnhof aui, zun "Mozart". In dor SASA hobm dor Danzer und dor Gross umergsungen (siehe Video), di Leit olle bled umergschaug, e Italiener hot epes komisches dorzuagfluacht. In Mozart hobmse no ordentlich bled getun. Mozart hobmer Kaffe, Radler, Bier und Briòches getrunken und gessen. Gegen 8e seinmor nocher za dor Schual oi Weisswürste und Meraner kochn, für ins und für die Prof. Dor Tom isch af uanmol mit di Kollegn ob. Aber die Rache folgte, er ins do beim herrichten eluan lossn und so wurde ihm beim Auto dor vordere Reifen abmontiert. Jo wenn der afn8 nocher in dor Schual kemen isch, es Auto holn, werd er e Freide kob hobm. :-))) Jo Leute do häng i iaz no 3 videos un an den Blog und in Rest kennt es enk dorzuadenken. Euer hackl.......
May 11 ABOUT MATURAREISEIaz schreib i endlich emol in versprochenen Kommentar dorzua.
Die Maturareise vom 24.04.2007 bis 29.04.2007 noch Barcelona hot mor recht guat gegfolln.
In tog dorvor am 23.04.2007 Muntig nomitog, ungfongen zomzupocken, in ständiger Unruhe
irgendepes zu vergessen und mit dor Wooge zu schaugn, net mehr als 15kg auizubringen.
Extra um 22.00 schlofen gongen weil i um 2 widor austian gmiast hon. Verschlofen honis erst
um 1, irgendwia wor i decht "aufgreg", interessant, man isch jo no nia gflogn vorher... Jedenfolls
um 2 in dor fria schellt dor wecker, nor denkimor, jo di mama werd schun austian und mir an caffe
dorweil mochn. Die Folge, die Mama isch a net aufgstondn. I bin in Bett weiterglegen. Dorgalling
schaug i af dor uhr und sig dass es holbe 3 isch. I hon um 2.40 mitn Danzer ausgm8 kob, der mi und
in ondern Daniel mitoingnummen hot. Nor bini aughupft und hon volle schnell ungleg und bin zun
Treffpunkt kemen. Nor seinmor oigfohrn in dor Schual, von wo aus mir um 3.15 weggfohrn wären,
wenns dor Mitti net verpennt hett, dorsel widorum hett gsollt in gafriller und in andi mitnehmen.
Jedenfolls dor Andi und Gafriller sein nor separat kemen und dor Mitti isch nor gegen 3.20 decht no
kemen. Er hett sich 2 wecker gstellt, dei er net gheart hett, lai durch zufoll sei er augwochn. Najo
vor dor Schual worn dor "Wörndle" und dor "Wiese" dei schun e bisl "umerglepst" hobm. Nor seinmor
mitn Domanegg zun Flughofen Bergamo gfohrn. Ankunft sem gegen holbe 7e. Check in gegen 7e,
nor gegen holbe 8e endlich e frühstück gekreg, cappuccio und brioches, weil af dor roststätte wo mor
mitn bus gholtn hobm, worn di brioches va geschtorn, nor honi nix gessn. Um 8e seinmor nor afn Gate
gongen, Leibesvisite mittels Metalldetektoren, widor wortn afn Gate, nor gegen viertl noch 8e seinmor
endlich zun fliagor gongen. Dor Fliagor va dor Ryanair, a Boeing 737-800 wor recht geil und gonz
akzeptabel. I muas sogn mir wor schun net gonz wohl. Bol i nocher in fliagor drin wor. Um 8.45 seinmor
gstartet, dei stewardessen hobm ins di gonzn rettungsmaßnahmen vorgezoag, während mir afn flughofen umergekrebst sein. Nor af uanmol hot er a kurve gm8 und bleib stian: Donn gib er volle gas und ziacht nen
aui. I wor net gfasst, weil i a no nia gflogn bin. Währendn auiziachn fan fliagor bini deppet in grind gwordn,
obr noch e weilele, bol mor grod worn, hots mor recht guat gegfolln. Die ersten pormol fan fenster ausi-
schaugn honi net dorlitten, weil i mor leicht schwindlig gwordn isch, wenn i in di wolken oigschaug hon,
obr bol mor übern meer worn und lond gsegn hobm, hots mor af uanmol volle gegfolln, hem honi a oischaugn gekennt und bo nor hots mor nix mehr ausgm8. Najo Ankunft in Girona, i schnell e por Schnapschüsse gm8.
Nor hobm mi dei Spanier am Flughofen zomgschissen weil i a por Foto fan Flughofen und Fliager gm8 hon.
E bus hot ins nocher in Hotel gebrocht. Najo es Hotel va aussen hots scheisse ausgschaug, va innen wors
a net besser, obr es wor holbwegs sauber, bis af di bettdecken (siehe auch fotos). Dor Killer fan hotel hot
ins glei klorgm8 dass mor net puff mochn solln, hot ins obr decht emol e verwarnung geben ;-) "This is the
last chance" Finatti und Burro logisch olm puff mochn miasn. Insere 4er WG: Burro, Finatti, Pichi Hackl wor
eigentlich gonz ok, lai dass di Leiferer uan nia e ruah nomitog e schlafele mochn hobm lossn. In ersten Tog
hobmer di Rambla und in Hofen ewia ungschaug. Dor Professor wor gazzig weil er in a "Besenkommer"
schlofn hot gmiast; isch a zu verstian, wenn man kuan Fenster in Zimmer hot und in Zimmer grot di Bettstott
Plotz kob hot. Jedenfolls hobm beade Prof. nor e onders Zimmer gekreg. Dor Prof. hot in dei Tog e bisele
oftramol in "Strengen" gspielt, in wien leschts johr wor er ondersch.... Es Wetter: in 1. und 2ten Tog wors
schian, hoas und kein wind, 3.tog schian und windig, 4ten tog schian, regen wind, schian, in 5ten Tog schian
und windig und in sunntig (leschtn tog hots gregnet). In ersten Tog wor di holbe klass (und i) a net aus,
hem hobmer e bisl fuasboll gschaug und donn bini bold schlofn gongen. In 2ten und 3ten Tog wornmor
"Sunset", a disco am Hafen; jojo disel wor ok.hem seinmor so um 3 huamwärts gstartet dei 2 tag. Nor in
4ten Tog worn mor erster "Sunset". Hem dorneben in der "Scottish Bar" hobmer di "Sanni" und in "Käfer"
getroffen, gonz a nette Klass hobmse und "relativ junge" Lehrer hobmse mitkob. Najo in e por va ins isches
"Sunset" nocher af di eier gongen,nor sein: "I, dor Agi, dor Burro, dor Finatti und Lochmann Richtung Strond
zu dor Disco "baja" gfohrn. Amerst wor i e bisl skeptisch, obs schun gscheid isch, obs di 14€ wert isch, obr nor
seinmor decht eini. Und i muas sogn guat isch gwesn: Danke Agi, guate Idee! Des wor so a geile Disco, groaß,
guate Kellnerinen in Bikini, eigene Cocktailbar, 3 weitere Budel, afn Strond ausi worn a Tisch (gemiatlich) und
e eigener VIP-Bereich wor. Di Kellnerinen hobm zwischendurch af di budel getonzt, di kellner hobm indiana jones gspielt und hobm sich durch die gonze bar hindurch gschwungen, hobm a showeinlogen gebrocht,
nor hot emol e rockband e stindl gspielt, musik wor für jeden wos dorbei, net zu laut wors, sel honi gonz guat
gfundn. Di Kaiserhofler va dor 5B meran worn in sem tog a sem (ihr leschter tog). Sem seinmor nocher bis
holbe 6e af dor strond bei di Tische gsessn, jedenfolls i und dor mitti und dor perty sein sem gongen. Dor Agi,
di jasmin (kaiserhof) und dor Kofler sein nor afn Strond ausigongen. Man hot schun gmerkt, dass di Jasmin in Agi gern
hot, wenn man ihren Gesichtsausdruck ungschaug hot und weiters wor a net verwunderlich dass si inzwischen
zom sein. In leschtn Tog seinmor a widor Baja gwesn, hem sein obr olle bis af Marchi, Trieni, Wiese und Wörndle
a gwesn. Dor Marchi hot a typa mitkob, dei ihn net gwellt hot. Dor Torggler hots noch 2 tog gschofft di christl
va gadertol umerzukregn. Ajo di sagrada familia hobmer ungschaug, nor in park afn berg oben, hel wor gonz
schian. Af dor sagrada familia, sem wo mor afn turm auigfohrn sein, sel honi net dorlittn, af a foto sem oben knial i, hem hett man gekennt oischaugn, obr na do wor mor net wohl, dor burro hot mir e por foto gm8. Dornoch honi gschaug, so schnell wia meglich va den Turm oerzukemen, i hon net panische ongscht kob, mir
wor lai unwohl af den turm. In Vorleschtn Tog seinmor afn Berg, wo di Leitner Soalbohnen auigian, wo a di Soalbohn dei übern Hofen fohrt, wegführt, gongen, sem oben isch e burg, wo no e por ponzer stian, pichi megafreide dormit kob (siehe foto). Und in leschtn tog, najo wor scheisse, sem hots gregnet, mir hobm
gmiast um 10e van zimmer gian. Man hot gmiast schaugn di zeit umerzakregn, weil ins dor bus erst um holbe
7e ogholt hot, der ins zun flughofen Girona zruggebrocht hot, und inser Flug isch erst um 22.10 gongen, 10min
ischer mit verspätung gstartet. Najo und um holbe 12e seinmor widor in Bergamo gwesn, wo mor mitn
"Domanegg-Chef" auf sehr sicherer, und technisch hoher Fahrkunst und "heil" nach Bozen zurück gekommen sind, gel Wörndle? Und um holbe 4, nochdem nor danzer erst in dor schual untn e viertl stund in autoschlissl suacht hot, wor i widor @home und hon bis 12e zu mittog durchgschlofen. Zum glück wor sem 30.april frei und
in 1.mai a, sich widor e bisl umzustellen. Widor es friar schlofn gian gwenen und so.... April 13 BAILA 2Najo beim 2ten Maturantentreffen worn en haufn wianiger leit wias erste mol. Dermol
bini gfohrn. Mitgfohrn sein dermol lai danzer und pichi. flocky hot no va wien genua
soviel i woas. Mir hobm ins um holbe 10e in pub obm getroffen und sein donn erster
latino oin, wo mor mitn tom ausgm8 hobm. hem wors gonz cool. Dor tom hot seine
sarner freunde mitkob und dei sein schun fleißig beim biertrinken gwesn. Dei Sarner
sein uanfoch zu geil bol se uan hängen hobm, dei mochn jedn bledsinn... Di Live-Band
in Latino hot mor gonz guat gegfolln. Umane viertl noch 11e seinmor nor baila oigfohrn.
sein glei einikemen, net wias leschte mol wo mor long ungstondn sein. Jojo drinnen
wors ziehmlich gemiatlich, man isch leicht weiter und fiarkemen, isch nimmer soffl gschupft
gwordn wias leschte mol. Wos i guat gfundn hon, isch der gortn wos si hinten augetun hobm,
dorsel wor volle fein. Dor wörndle wor net grot guat auf, hot schun in dor fria kopfweah kob,
gleich wia dor pichi und hobm beade dermol net soffl gas gebm. Dor motta hot obr decht widor
olls gschlogn. der wor widor volle guat auf; hot di orme greta soffl verorscht. Dor agi widor
mol fohrer gm8 mitn wörndles 600er. Umane uans hot man schun gsegn dasses in olle af di eier
gongen isch... gesichtsausdruck va di leit.......di sandra und dor käfer worn dermol net soffl bei
inserer klass ummer, wia es leschte mol. onscheinend isch do mol wos gongen zwischen käfer
und motta, obwohl i net verstea weil dor motta schun seit 3johr seine freindin hot. jedenfolls
scheint si net guat afn sem zu sprechn sein. ajo di greta, wor vor 2 johr emol mitn flocky zom,
hot dorfrog, dass dor flocky ihr sem emol fremd gongen isch. umane 3 seinmor kampill ausi,
wos essn, um 2.58 hot er ins no e pizza gm8 (ob 3 gabets kuane mehr). bol mor gian hobm gwellt va
kampill kimp dor agi mitn motta, di greta und di franzi hintendrin. di greta isch nimmer ausgstiegn,
weil ihr des mitn flocky wos si dorfrog hot af di eier gongen isch und dor motta si während dor fohrt
baila-kampill noumol ummeglich bei di eier gnummen hot. dor mitti hot en morz moralischen kob,
weil sein auto leschte woch max drausn nimmer ungongen isch, nor hot sein kolleg mit dor nuin
alfa im gwellt helfn, indem er ihm soft va seiner batterie geben hot gwellt, nor isch in kolleg di
centralina van alfa hingwordn. schaden 2200euro ungefähr. heute hot sich obr herausgestellt, dass
dor defekt va dor alfa, net va den kemmen isch, sondern weil e steandl di centralina hingm8 hot
ongeblich. najo. jedenfolls seinmor nocher am schluss, zu 5 mitn panda va meiner mami huam:
i, di franzi, dor pichi, danzer und dor kofler wos beim danzer gschlofn hot. huamwärts honi nocher
en igl übrfiart. der orme hascher, i hon no gebremst und af dor seite grissen, in der hoffnung dass
er zwischen di radln durchkimp, obr leidor hotsnen dorwuschn. mir tuats load, obr do konn man nix
tian. najo im groasn und gonzn wor der abend ok. e bisl late huamkemen. i bin um 4.20 zu liegen
kemen und hon um 6.45 austian gmiast. heint a no elektrotechnik test kob in dor erstn stund, che
palle, isch obr net so letz gongen denki. I hoff dass huier olls guat geat, di matura guat umergeat,
dass mor en schiane maturareise hobm und uans isch garantiert baila di dritte werd widor e
MEGAFETE! by Schorsch |
|
|||
|
|
